ಕನ್ನಡ ಕಲಿ ಶಾಲೆಗಳು

ದಕ್ಷಿಣ ಕ್ಯಲಿಫೋರ್ನಿಯದ ಅವೈನ್ ನಗರದಲ್ಲಿ ಮೊದಲ ಕನ್ನಡ ಶಾಲೆ ರವಿವಾರ ಸಪ್ಟಂಬರ್ ೨೪, ೨೦೦೦ ರಂದು ಪ್ರಾರಂಭವಾಯ್ತು. ಕೂಡಲೆ, ಸ್ಯಾನ್ ಫ಼ರ್ನಾಂಡೊ ವ್ಯಾಲಿ, ಸರಿತೊಸ್, ಡೈಮಂಡ್ ಬಾರ್, ಆರ್ಕೇಡಿಯಗಳಲ್ಲಿ ಕನ್ನಡ ಶಾಲೆಗಳು ಸ್ಥಳೀಯ ಮಕ್ಕಳಿಗೆ ಕನ್ನಡ ಕಲಿಸಲಾರಂಭಿಸಿದವು. ಕಳೆದ ೧೫ ವರ್ಷಗಳಲ್ಲಿ ಕನ್ನಡ ಕಲಿತು ಕಾಲೇಜುಗಳಿಗೆ ತೆರಳಿದ್ದಾರೆ. ಈಗ, ಮೂರು ಶಾಲೆಗಳು ಅನೇಕ ಕಾರ್ಯಕ್ರಮಗಳನ್ನು ಸಮರ್ಥವಾಗಿ ನಡೆಸುತ್ತ ಕನ್ನಡ ಕಲಿ ಕ್ರಿಯಾಕೇಂದ್ರಗಳಾಗಿ ಕನ್ನಡ ಕಂಪನ್ನು ಪಸರಿಸುತ್ತಿವೆ.


ಕನ್ನಡ ಕಲಿ ಕ್ರಿಯಾಕೇಂದ್ರಗಳು:

ಕನ್ನಡ ಉಲಿ‍ ‍- ಕನ್ನಡ ಕಲಿ - ಕನ್ನಡ ನಲಿ

ಅನಂತಮೂರ್ತಿ, ಕಂಬಾರ ಸೇರಿದಂತೆ ಅನೇಕರ ಬಲು ಬಯಕೆಯೆಂದರೆ `ಅಮೆರಿಕಾದ ಕಂದಮ್ಮಗಳಿಗೆ ಕನ್ನಡ ಕಲಿಸಿ' ಎಂಬುದು. ಇಂಥಾ ಜರೂರತ್ತಿಗೆ ಸಣ್ಣದೊಂದು ಘಟನೆ ಕುಮ್ಮಕ್ಕು ಕೊಟ್ಟು , ಇವತ್ತು ೬ ಕನ್ನಡ ಕಲಿ ಶಾಲೆಗಳು ದಕ್ಷಿಣ ಕ್ಯಾಲಿಫೋರ್ನಿಯಾದಲ್ಲಿ ತಲೆಯೆತ್ತಿವೆ. ಇದು ಹಕೀಕತ್ತಾದ, ಸುಲಭವಲ್ಲದ ಹಾದಿಯ ಅನುಭವ ಲೇಖನವಿದು.